قصيدة "تلاوة كاهن" لناصر الفراعنة

حبيت اني اقدم لكم كلمات قصيدة تلاوة كاهن للشاعر ناصر الفراعنة

تفضلوا:

تلاوة كاهن أو نفث قارئ @@@ بصدري يوم اجـر الصـوت سـاري

أدنـدن دن دنـدن دن دنـدن @@@ مثلمـا دندنـت دنـدان جــاري

على ربع كبطن الكف قبر @@@ حلقـه مـن الـذواري مـوس ذاري

كأن الريح فيه وحوش غابٍ @@@ تحاور في حشا صدري حـواري !

كأن جبال سلمى دون سلمى @@@ هنـا و هنـاك أنيـاب الضـواري

شعا شاعي شعا شايـع شعاهـا @@@ شعاعـا مـا يباريهـا مبـاري

شعاشيـع قراشيـع شعثهـا @@@ إلا شعشـع سبيـب مـا تمـاري

ألا يالله طلبتك ثم طلبتك @@@ سحابٍ مـن حيـاض الخلـد جـاري

تزبّر ثم تعبّر ليـن غبّـر @@@ و حبـر ماطـره وسـط الخبـاري

تجلهم ثم تدلهم ثم أكلهـم @@@ بامـر بـاري بـرى باريـه بـاري

يحوف الشمس لين الشمس تصغر @@@ شوي شوي مثل عين البخاري

إلى أن يختفي في ثوب نوه @@@ جذب طاريه أهـل درم السمـاري

مزونه مزنة و مزنة و مزنة @@@ جـواري حاكـم تتلـو جـواري

بروقه في فتوقـه مـن تشوقـه @@@ يلاعبهـا بأطـراف الشبـاري

شهب مشهاب ضو أو شهاب @@@ شهب شباب أشهب بـرق عـاري

رعوده كلمـا نقـض جعـوده @@@ قنيـب ذيابـة وسـط الغـداري

صدى أصواتها في كـل ضلـع @@@ تلاميـذ تـردد خلـف قـاري

تحارش ثم تهارش ثم تكارش @@@ خطارش غيمته من غيـر طـاري

بطش الرش حش القاع حش @@@ يبـش ولا ينـش و لـه مـواري

دغاريـق هماريـق بريـق @@@ باباريـق ترقرقـهـا عـصـاري

لا قبل ثم وبل ثم سبـل @@@ و طبـل تحسبـه يصـرف مصـاري

ولا جل البرد وبله و هلل @@@ مكلـل مـاه يـا الماشـي حـذاري

محاذيف البرد كبر الجماجم @@@ و أصغرها مثـل روس الحبـاري

كأن القوس من قزح على أول @@@ ظهور أول ظهيره شبـه نـاري

سنا شفق به رمق تدلى @@@ سويعـة مغـرب مـن فـوق صـاري

سحاب جعل ربي لا امر بـه @@@ يعـم بـه اليمانـي و النـزاري

و يسقي كل أهل شبه الجزيرة @@@ تهامة و الحجـاز و نجـد داري

و ابو ظبي و واد العين منـه @@@ِ تغـار لحسنـه جـزر الكنـاري

عساه فوق قبر الشيخ زايد @@@ ميـة ليـل وهـو سكـاب جـاري

قبر زايد و من هـو مثـل زايـد @@@ و أفعالـه تغنيهـا القمـاري

ملك بالطيب كل قلوب شعبه @@@ بحب و خير و اسلوب حضـاري

حمل شعبه على كتفه إلى أن @@@ تباكوا لـه بأطـراف الصحـاري

سقى الله ضحكتك يابو خليفة @@@ فلا زلت أعذب الأحبـاب طـاري






وسلامتكم

مشكوووووووووووور والله يعافيك

صح لسانك والله ما قصر ابو فارس لكن اللجنة ظلمته عالعموم مشكور وما قصرت

مشكوووور على الرد الروووووعة

يعطيك الف عااافيه...

مشكوور مديرنا..الصاحب..

الله يعطيك العافيه اخوي الصاحب