قصيد في ضياع الطير

الــبـارحـه يـــاحــسـيــن مـركــاي كــوعـــي !!! مــن الـعـشا الـيـن اذن الــفجـر يـا حـسيــن

مــا غـيـر اسـلــي خــاطــري بـالـدمـوعـــي !!! مـثـل الـذي مـن يـقـضـي الـديــن بـالـديــــن

وكـل الـسبـب طـيـري حـسـيـن الطبوعــي !!! الـنـادر الــلــي شــوفــتـــه تــطــرب الـعـيـــن

الــلــي لــيــا مــنــي نـهــمـتــه فـــزوعــــي !!! مـثـل الـشـجـاع الــي نـهـمــوه الـقـريـبـيـــن

قـــمـــت اتـــذكـــر تــلـــتـــه لــطــلـــوعــــي !!! بــخــدن قــنــصــنــا فــيــه حـــروة اسبوعيــن

مــدري ثــمــان ايـــام مــعـهــن اسـبـوعــي !!! لا شـــك كــنــهــن يــا ابــن الـاجـواد يـوميــن

وفــي تـالـي الــمــقــنـاص يــوم الـربـوعــي !!! اتــلــى الــعـهــد بــه راح يــلــوي الـجناحيــن

اقـــفــى وراء خـــرب ٍ مــصــقــر جـــزوعــــي !!! مــتــذيــر ٍ واردفــت مــن عــقبـــه طــيــريـــن

وســقـنـا مـعـاهــن وســط خـــد مـنـوعـــي !!! اقــــف ٍ شــمـال ومــبـعــدات عـــن الــعــيـــن

الـــخـــرب صــامـل والـــنــــداوي قــطوعـــي !!! وحــال الــوعــر مــن دونـهــم والـشـعـيـبـيـــن

وقـفـت ادربــل مـيـــر مــامـــن ســنــوعـــي !!! وقــالــوا جــهــاز الـطـيـر مــا نـسـمـعــه زيـــن

واجـهـدت رجـلــي بــكــل رجــم ٍ رفــوعـــي !!! ارقــــى والــوح وادبـــل الــصــوت صـــوتــيــــن

ومـــا قــصــرو وقــــت الــمــنـافــع ربــوعـــي !!! واخـــذت فــي جـــو الــقــطامــي نــهــاريــــن

لـاشــك طــيـري مـــا نـــوى لــلــرجــوعـــي !!! وانـــــا بـــعــــد حــــدرت يــــــم الــبـــلـاديــــن

مــا كــان ودي ان الــمــفـــارق فــجــوعـــي !!! لــيـتــه مــوادعــنـــي ســـوات الــمــحـبــيـــن

الــلــه يـلــوم الــطـيـــر بــعـــده يــلـــوعـــي !!! خـلـانـي اسـهـــر والــمـخـالـيــق مــمـسـيــن

عـسـاه يـسـلــم مــن يـديــن الـطـمـوعــي !!! الــلــي عــن الـنـشـــاد يـخـفــي الـبـراهـيــن

والـا الـرجــال الــي تــعـــرف الــسـنــوعـــي !!! تـلـقـى عـلـى حـجـلـه مـع الـسبـق رقـمـيـن

والـا عـــســـاه ابــنـــاريــــات الــتــلـــوعـــي !!! ورزقـه عـلـى الـي خـالـق الـنـاس مـن طـيـن

ومـمـا جـرى يـا حسـيـن قـلـبــي قـنـوعــي !!! لــو كـــان عــقــبـه خـاطــري صــايـــر ٍ شـيــن

الشاعر : مشعل حمود الحبيني العازمي

للأمانة منقول



ابو ابراهيم مع التحية